Viva Pasta

营业中

休息中

今日下午要喺铜锣湾上堂，要跟同学食个快午餐，见附近有黄店梗系要帮衬下啦！入面有大量文宣，老板好亲切，服务态度良好，唔怪得餐厅有好多顾客等位。我叫咗是日精选，意式茄蓉焗牛脷饭，不过冇得焗，所以变咗茄蓉煎牛脷饭。午餐好大份，牛脷煎得好焦香，充满牛肉香味，茄蓉系用新鲜蕃茄，好鲜甜，食到香草嘅味道。而且午餐价钱相宜，喺铜锣湾呢个地段好难食到咁大份午餐。我同学叫咗全日早餐，望落去都好吸引，下次如果再有机会食呢间餐厅，都会叫全日早餐试试！