雲桂香米線專門店

营业中

休息中

今日返学放饭时同朋友冇地方好去，有个就提议去铜锣湾佢屋企附近有间餐厅几推荐，几好食嘅，食米线嘅。反正唔知食咩好，就跟佢啦。就去咗呢间云桂香米线专门店。其实呢间都几受欢迎，我哋一入坐慢慢就开始又系咁有好多白领同自由行嘅人入嚟。我就叫咗个重庆酸辣粉加肥牛，中辣，冻奶茶。我啲frds叫嘅就唔讲啦，佢哋都唔比我影相。酸辣粉真心好好食，就算系中辣都未至于顶唔顺，不过酸系够嘅，辣度下次可以升级到大辣。个薯粉都好滑好韧，正呀！个肥牛就普通咗啲啦，香系好香嘅，不过就硬咗啲，比较有咬劲，唔够软熟。成个粉总体嚟讲系值得推荐嘅，惊辣嘅人可以叫少辣。