古早味台灣原味 (已結業)

因为朋友系铜锣湾返工，就佢放lunch break,所以系铜锣湾食lunch。佢话「思乡」想食台湾嘢，所以就黎咗古早味台湾原味试下。因为当时已经两点几，所以唔使等位。餐厅环境好幽静，好适合两三位朋友一齐食野倾计。原本以为铜锣湾啲午餐都应该要至少$80，但依度午餐系$70有找，仲包埋野饮同小伴碟。选择困难自己症，样样都想食，所以都搞咗一阵先决定到。职员好好，唔会走过黎催你落单同好有礼貌。最后我就嗌咗个古早味干捞面（粗面）同珍珠茉香奶绿。而朋友就嗌咗个红烧猪软骨面同茉莉绿茶。因为我地两个都比较大食，所以都跟餐叫左一个宜兰葱香饼小食。我地觉得两碗面都好足料。古早味干捞面有两旧大猪软骨同卤肉粒，而红烧猪软骨面就有三大旧猪软骨。捞面个汁好浓，好啱钟意重口味嘅人，而汤面个汤相对就比较淡，如果浓返少少就perfect!个宜兰葱馅饼好好食！一开始唔知，咬落去原来会爆汁😂因为本身好钟意食韭菜饺，所以都好钟意同推介依个葱馅饼。至于饮品，珍珠茉香奶绿唔会太甜，个茉莉绿茶饮落就好似系完全无糖😂😂😂不过我同朋友都唔太钟意饮甜嘢，所以觉得不错。朋友食完仲话今次发掘咗新地方，lunch唔使再成日挨贵餐厅🤣🤣🤣