小桃咖啡室 (已結業)

今日同朋友行过铜锣湾，想揾间cafe坐低食下下午茶，咁啱上openrice见到呢间cafe评价同环境都唔错。餐厅系时代广场出口比较近，小食店转右行几步就到。平日两点半左右同朋友到间cafe，cafe入面人唔多，同朋友一边倾计一边食野都坐左两个几钟。餐厅环境几好，外面有一列bar枱，可以望到外面铜锣湾街道，如果夜晚饮住啤酒望街景就会好chill!入面仲有包厢，如果多人啲应该可以安排入独立房间。食物方面同朋友两个人叫左一份西冷牛扒1人餐，餐包括一份烟三文鱼凯撒沙律、罗宋汤配餐包、西冷牛扒配薯条、Tiramisu。另外再加左个法国酥皮田螺（$38），田螺外面系酥皮包住，底层系脆皮，有口感饮品方面朋友叫左杯大嘅Heineken (500ml)，我就叫左杯cocktails—snowball，易入口，酒味淡，雪糕溶左更加唔似饮紧酒。整体服务同环境都好，适合2-4人小聚、多人聚会，或者一个人放工去bar 枱chill，而且入面都有board game 玩，可以一边食、一边倾计又一边玩。