White Hse. (已結業)

最近发现铜锣湾新开咗一间楼上cafe — 白房子White Hse。小店装修布置充满心思，譬如打卡花墙、白砖设计、自然采光，钟意影相嘅朋友黎到一定好开心。香蒜芫茜什菌炒意粉 ($102) 加入满满嘅蒜头、芫茜调味，香浓惹味。什菌爽口弹牙，配搭炒至干身嘅意粉，一软一硬，口感丰富。不过意粉偏硬，可以煮多几分钟。二重奏忌廉烟肉芝士猫耳朵 ($118) 以双重芝士、浓厚忌廉、肥美烟肉烹煮而成，非常邪恶。猫耳朵挂满稠杰酱汁，一𢳂起马上拉丝。加上芝士表面略为炙烧至焦香，嗅起黎食欲更为大增。不过食到尾会有d腻。建议两个人share。白房子曲奇杯 ($58) 系当日最令人有惊喜嘅菜式。甜品不但精巧可爱，味道亦相当唔错。曲奇杯身为朱古力消化饼，味道甜而不腻，口感有层次。倒入牛奶再品尝又有另一番滋味。蜂蜜牛油果香蕉 Smoothie ($58) 以天然蜂蜜、水果打成，绝无额外加糖，非常健康。而且水果比例重，即使放耐咗都唔会变稀变淡。Smoothie 入口绵密幼滑，无冰粒感。香蕉味重，可惜牛油果味唔突出。