影片
更多
2024-02-14
326 浏览
TREEHOUSE 📍铜锣湾霎东街7号地舖情人节正日，周围都系揾食情侣，如果无book台，相信唔止西餐，分分钟连去冰室锯扒都要排队。所以上年情人节，我同我同朋友刻意拣咗比较少人食嘅台湾小店，叹咗个情人节二人餐。今年，我哋重施故技，喺踏入2月嘅时候就食咗几餐大餐，到正日就食啲唔洗book位嘅餐厅，一嚟可以唔洗同人迫，二嚟又可以帮荷包悭返唔少！因为新年期间大鱼大肉，食咗好多油腻嘢，我哋都想食返啲清啲嘅健康食物，所以索性揾咗间新派素食餐厅食晚餐，庆祝情人节。呢间叫TREEHOUSE嘅西式餐厅除咗供应各式各样素食外，仲好eco-friendly，堂食同外卖使用嘅食具同器皿都系用环保物料制成，切切实实做到爱护地球。我哋好欣赏佢哋鼓励人食用whole foods之余，肯花心思同创意令健康嘅食材变得更易入口、更易被人接受，就连我呢啲一向无肉不欢嘅食肉兽都可以食得好满足。要留意餐厅系self service嘅，用餐后要自己清理餐盘。店内全部员工都系非本地人，只能用英语沟通，不过怕羞唔敢讲英文嘅话，都可以用自助点餐机叫嘢食㗎！ 💰$60是日例汤 🥣我哋同店员倾咗阵偈，佢向我哋推介佢哋当日嘅例汤，叫我哋饮
📍铜锣湾霎东街7号地舖
情人节正日，周围都系揾食情侣，如果无book台，相信唔止西餐，分分钟连去冰室锯扒都要排队。所以上年情人节，我同我同朋友刻意拣咗比较少人食嘅台湾小店，叹咗个情人节二人餐。
今年，我哋重施故技，喺踏入2月嘅时候就食咗几餐大餐，到正日就食啲唔洗book位嘅餐厅，一嚟可以唔洗同人迫，二嚟又可以帮荷包悭返唔少！
因为新年期间大鱼大肉，食咗好多油腻嘢，我哋都想食返啲清啲嘅健康食物，所以索性揾咗间新派素食餐厅食晚餐，庆祝情人节。
呢间叫TREEHOUSE嘅西式餐厅除咗供应各式各样素食外，仲好eco-friendly，堂食同外卖使用嘅食具同器皿都系用环保物料制成，切切实实做到爱护地球。我哋好欣赏佢哋鼓励人食用whole foods之余，肯花心思同创意令健康嘅食材变得更易入口、更易被人接受，就连我呢啲一向无肉不欢嘅食肉兽都可以食得好满足。
要留意餐厅系self service嘅，用餐后要自己清理餐盘。店内全部员工都系非本地人，只能用英语沟通，不过怕羞唔敢讲英文嘅话，都可以用自助点餐机叫嘢食㗎！
[价钱 Price]
💰$60
是日例汤 🥣
我哋同店员倾咗阵偈，佢向我哋推介佢哋当日嘅例汤，叫我哋饮下，睇下知唔知系用咩原材料煮嘅。汤嘅颜色呈浅黄，上面浸住两嚿三角形炸物，味道同口感都好似咖喱角嘅表皮，喺汤面倒少少榄榄油，洒上葱花，望落同一般西汤无咩大分别。
例汤质感creamy，带少少颗粒感，入口有好浓烈嘅香料味同蔬菜嘅青味。朋友开初认为系用芥菜同薯仔煮成，而我就估系用鹰嘴豆煮成，点知我哋都错晒！
亲切嘅店员介绍，其实系用咗椰菜花整成，我哋饮唔出，主要系因为佢哋落咗唔同嘅天然香料调味。得知真相后真系吓一跳，因为我平时一啲都唔钟意食cauliflower，但原来肯花心思将佢煮成汤，味道系会咁新颖，仲不知不觉饮晒成碗！
[价钱 Price]
💰$88
雪松沙律 🥗
Salad bowl系呢度最受欢迎嘅食品之一，有接近40款toppings任君组合，想食咩由你话事。有选择困难症嘅我哋拣咗其中一款signature combo，Cedar，𥚃面有齐生菜、牛油果、腌制红洋葱、羽衣甘蓝、烤南瓜等，仲有4-grain mix，混合糙米、小米、红米同藜麦，一个regular size嘅碗，堆满新鲜食材，营养丰富又饱肚。
我个人非常推介捞佢哋嘅Chipotle sauce一齐食，佢系带有烟熏辣味嘅蛋黄酱，食落微辛，为各种食材加添层次。
[价钱 Price]
💰$118
苔原汉堡 🍔
Tundra Burger望落系咪同肉汉堡好似呢，佢嘅patty系用咗烤南瓜同谷类制成，口感虽然无肉类咁扎实多汁，但味道都拍得住真嘅肉扒㗎。而且佢舍弃咗一般burger会用嘅茄汁或蛋黄酱，喺上下两层包皮内涂满特制herb sauce，令整个包味道变得有层次。
最特别嘅莫过于sourdough bun同vegan cheese，前者因为无额外添加牛奶、油等等，口感扎实得嚟又有自然嘅麦香同酸香，食落一啲都唔油腻；后者则非常新奇，系我第一次食嘅味道！Burger入面仲夹咗常见嘅生菜、蕃茄同洋葱，呢三款新鲜嘅食材能够中和整体嘅饱滞感，推介俾钟意食burger嘅大家。
[价钱 Price]
💰$45
夏威夷果仁朱古力曲奇 🍪
其中一个我拣呢间餐厅嘅原因，就系好想试下佢哋嘅vegan dessert！店员同我哋推介咗两款，第一款就系夏威夷果仁朱古力曲奇，用咗小蜜粉、椰子油、荳奶、原糖、朱古力粒同夏威夷果仁整成。佢嘅口感介乎于硬曲奇同软曲奇之间，咬落比较易散，但无一般用牛油整嘅曲奇咁油腻。虽然味道偏甜，但知道佢系用原糖，而唔系精炼糖嚟整，食得非常安心，即使食多少少都唔会觉得有罪恶感。
[价钱 Price]
💰$50
核桃布朗尼 🍫
另一款甜品系brownie，佢用咗黑朱古力、核桃、原蔗糖、椰子油、木薯粉、亚麻籽粉、小麦粉同海盐制成。呢一个甜品系我全场最钟意嘅一样食物，因为佢还原到brownie嘅口感同味道，黑朱古力香醇但唔会苦，细嚼后仲有合桃嘅香味，呢个size无论自己一个人食，定好似我哋两人分食都非常适合，嚟到一定要叫返件嚟试呀！
[价钱 Price]
💰$30
冻美式咖啡 ☕️
最后，我哋一人叫咗一杯iced Americano，主要系因为初一至初四真系无觉好瞓，到初五嘅时候就觉得好眼瞓，所以想整返杯咖啡醒醒神。个人认为食两款甜品饮呢款有机咖啡就最夹啦，因为甜品始终有一定嘅甜度，但饮少少咖啡，就可以中和口中嘅甜腻，令一向唔饮咖啡嘅我都能细味一番。
张贴
