Chang Thai Restaurant & Bar (裝修中)

一间装修非常之精致同埋清静嘅泰国菜。喺铜锣湾嘅L place 。同一栋大厦有齐好多个唔同嘅菜式，咁啱就见到呢一间泰国菜。可能系新开张嘅关系入到去都未算有好多人，但系楼下就有人派优惠券于是我哋都决定试一试佢。坐低之后我哋就拣咗几个𩠌。首先嚟嘅系一个小食拼盘，佢真系好特别，系一个千秋上面放咗好多种唔同嘅泰国特色小食。例如话泰国生虾，够晒鲜甜。如果钟意食辣嘅仲可以食埋佢块青椒。主菜就系一个烧牛肉同埋咖喱软壳蟹。烧牛肉配上佢哋嘅特别酱汁仲有加少少白饭系一个唔错嘅配搭好值得大家去试吓。之后就系佢哋嘅咖喱汁软壳蟹加埋蒜蓉包。蒜蓉包配咖喱汁完全系一个非常之开胃嘅菜式，食埋软壳蟹就更加冇得顶啦。两个冬阴功汤非常之足料，除咗有椰汁嘅香味之外仲有埋其他海鲜例如话两只大虾同埋两只青口。唔记得讲既就系佢哋嘅串烧，烧完出嚟仲有肉汁之外又唔会太硬骨骨。