影片
更多
2023-07-27
44 浏览
去咗呢间以旅游做主题嘅火锅店，餐厅划分咗用唔同国家做主题嘅座位区，气氛装潢截然不同。我哋就坐喺中国风嘅区域，中式木枱凳仲有屏风，环境舒适。可能因为位处铜锣湾核心地段，价位本身唔算平，但胜在唔同时段都有折扣优惠。秘制消暑椰浆鸡浓汤锅 $298呢到有好多款唔同汤底拣，款款都好有特色，我哋就拣咗餐厅其中一款招牌鸡汤底，用咗高质嘅三黄鸡熬制，鸡汤呈金黄色，非常吸引，加埋大量椰子仲有椰浆，汤头劲鲜甜兼夹有香浓嘅鸡味同椰子味。未开始打边炉之前饮一碗真系超窝心。而且鸡肉都好嫩滑鲜甜。苹果木烟熏手切牛颈脊(细)$298火锅料方面当然唔少得牛肉，叫咗份牛颈脊，食落虽然冇咩烟熏味，但牛肉好腍嫩，油脂分布平均，肉香同油香并重。牛舌片 $98另外叫咗牛舌片，上枱嘅时候有干冰营造出烟雾离漫嘅效果，打卡一流。牛舌片份量唔算多，但口感非常之爽弹冇筋。饺子拼盘 $148饺子拼盘有成5款饺子，款款多好有特色，好似蟹黄豚肉饺、黑松露蟹肉饺、白松露野菌猪肉饺、韭菜猪肉饺咁，而且饺子皮够滑够薄。最钟意蟹黄豚肉饺，橙红色嘅馅料劲吸睛，蟹黄味好香浓，肉馅实净足料。丰盛蔬菜拼盘 $128蔬菜拼盘有好多款唔同嘅蔬菜，好似油
秘制消暑椰浆鸡浓汤锅 $298
呢到有好多款唔同汤底拣，款款都好有特色，我哋就拣咗餐厅其中一款招牌鸡汤底，用咗高质嘅三黄鸡熬制，鸡汤呈金黄色，非常吸引，加埋大量椰子仲有椰浆，汤头劲鲜甜兼夹有香浓嘅鸡味同椰子味。未开始打边炉之前饮一碗真系超窝心。而且鸡肉都好嫩滑鲜甜。
苹果木烟熏手切牛颈脊(细)
$298
火锅料方面当然唔少得牛肉，叫咗份牛颈脊，食落虽然冇咩烟熏味，但牛肉好腍嫩，油脂分布平均，肉香同油香并重。
牛舌片 $98
另外叫咗牛舌片，上枱嘅时候有干冰营造出烟雾离漫嘅效果，打卡一流。牛舌片份量唔算多，但口感非常之爽弹冇筋。
饺子拼盘 $148
饺子拼盘有成5款饺子，款款多好有特色，好似蟹黄豚肉饺、黑松露蟹肉饺、白松露野菌猪肉饺、韭菜猪肉饺咁，而且饺子皮够滑够薄。最钟意蟹黄豚肉饺，橙红色嘅馅料劲吸睛，蟹黄味好香浓，肉馅实净足料。
丰盛蔬菜拼盘 $128
蔬菜拼盘有好多款唔同嘅蔬菜，好似油麦菜、萝卜、娃娃菜、木耳、南瓜、蕃茄、金菇等等，非常丰富。
竹蔗茅根 $78
打边炉当然唔少得要饮嘢，呢度嘅饮品配合返旅游嘅主题，用一个地球仪形状嘅壶去装，非常有心思。我哋叫咗竹蔗茅根，清甜解渴又消暑，饮一啖咩热气都冇晒。
。
。
火锅随意门 (铜锣湾)
铜锣湾坚拿道西10号冠景楼1楼A室
。
。
张贴
