江川日式料理 (已結業)

铜锣湾区, 人多Shopping多食店多, 夜晚想揾野食, 预左排队等位, 试过响 “X长寿司” 等左成2个钟先有位, 今次唔制嘞! 行到谢斐道, 见到一间面积唔细, 但内里得 2 个客既日式料理, 门口仲要有侍应派免费三文鱼刺身赠劵, 令我有 d 惊, 原来侍应话近日信用卡刷咭机坏左, 要收现金, 好多客听左都掉头走, 我见佢价钱唔系贵, 应该够钱俾, 就入去一尝包场感觉啦!食评如下 ~三文鱼寿司 ~ 从未见过细件得咁可怜既三文鱼寿司, 得 2cm阔 X 5.5cm长, 而且因为无客, 响回转带度转到干晒, 当然唔好食!吉列猪卷 ~ 无咩味, 冷冰冰, 完全无 “吉列” 炸过既脆口感觉, 唔知自己食紧猪肉卷. 纵使有芝士响面, 都一样系淡而无味.三文鱼刺身 ~ 新鲜切出黎既, 够厚, 有鱼油, 够香滑, 几好食! 北寄贝沙津船 ~ 好大件, 内里好多料, 有野菜八爪鱼黑鱼籽等等, 大大啖咬落去, 好味! 满足! 蒜片牛柳粒 ~ 好好味! 热辣辣好香, 食落口好 Juicy! 好腍好有肉味, 酱汁刚好带出牛柳香味, 一定要试呀! 日式蒸蛋 ~ 超细 Size, 睇见已经嬲, 食落只系