影片
更多
2015-05-12
208 浏览
好耐无过铜锣湾大代揾食，发现晓厨转晒门面㖞，有点心、蒸饭食呢！行混铜锣湾区都唔见有盅头饭食，终于有多一个经济选择啊！系依区食个云吞面仔都讲紧 $40、$50 蚊呀，镬镬食完赤赤痛！依家仲唔系曙光初现！噢！隔离间麻辣舖吉左㖞，咁快执左喇？出品唔差架㖞，麻辣鸡、麻辣鱼都好好味，系唔够热啫。新晓厨喷晒蒸气非常有气氛，爽！仲香喷喷。检查吓个 menu 先，点心款式都非常之多、蒸饭都五六款，选择困难症又发作！而且我个胃空间有限，如果食个蒸饭的话，点心食唔得多呢！烦恼中。单点蒸饭 $32 送冻饮。套餐 A 有蒸饭、点心、冻饮各 1。套餐 B 有两个点心、1 个炒菜连冻饮，都系 $48 乍。可能系全条街最平添！哗，下午茶更平啰。椰子海底椰炖排骨汤，我最钟意饮汤，有汤必 order！系紫砂炖汤盅？特点系能够保存食材原汁原味，仲会越炖越浓郁，非常好！汤最紧要够热，火喉直接系炖汤盅度渗出黎呀！浅尝一口，刚刚烫嘴，正！味道浓厚排骨味，并未盖过椰子既清香，好好饮呢！我连汤渍都食晒，椰子同海底椰同样爽脆有赵口，排骨肉多骨少，部份仲有软骨咬到卜卜脆，食得过瘾。凤爪排骨蒸饭，由基本开始试起。无净排骨饭？我对凤爪麻麻
好耐无过铜锣湾大代揾食，发现晓厨转晒门面㖞，有点心、蒸饭食呢！行混铜锣湾区都唔见有盅头饭食，终于有多一个经济选择啊！系依区食个云吞面仔都讲紧 $40、$50 蚊呀，镬镬食完赤赤痛！依家仲唔系曙光初现！
噢！隔离间麻辣舖吉左㖞，咁快执左喇？出品唔差架㖞，麻辣鸡、麻辣鱼都好好味，系唔够热啫。新晓厨喷晒蒸气非常有气氛，爽！仲香喷喷。
检查吓个 menu 先，点心款式都非常之多、蒸饭都五六款，选择困难症又发作！而且我个胃空间有限，如果食个蒸饭的话，点心食唔得多呢！烦恼中。
单点蒸饭 $32 送冻饮。套餐 A 有蒸饭、点心、冻饮各 1。套餐 B 有两个点心、1 个炒菜连冻饮，都系 $48 乍。可能系全条街最平添！哗，下午茶更平啰。
椰子海底椰炖排骨汤，我最钟意饮汤，有汤必 order！系紫砂炖汤盅？特点系能够保存食材原汁原味，仲会越炖越浓郁，非常好！汤最紧要够热，火喉直接系炖汤盅度渗出黎呀！浅尝一口，刚刚烫嘴，正！味道浓厚排骨味，并未盖过椰子既清香，好好饮呢！我连汤渍都食晒，椰子同海底椰同样爽脆有赵口，排骨肉多骨少，部份仲有软骨咬到卜卜脆，食得过瘾。
凤爪排骨蒸饭，由基本开始试起。无净排骨饭？我对凤爪麻麻。师傅已帮我直接将甜豉油唧到饭中，索一索闻到豉油清香加排骨肉香，捞匀即砌啦！仲等前奏咩！一粒粒修长而饱满既白米跟甜美豉油混和，连排骨大啖大啖地送入口，无需半点矜持或犹豫！饭香跟肉汁在口腔内打滚，食得非常冶味！满意。
试完原味，又到我最喜欢既辣椒渣捞饭喇。嗜辣既我推介！辣椒渣捞盅头饭加甜豉油或捞炒饭系超香口惹味架，当然要视乎辣椒油既质数啦。晓厨自家辣椒油够辣够香，复杂细腻香辣既味道，good！
手打鲮鱼球，收银哥哥大力推介话受欢迎坚好味！无所谓，一试无妨。刚蒸起热腾腾出晒烟，加点豉油，好香㖞。咬啖先，好鲜好鲜，完全无腥味，超弹呀！应该系我食过最好味既鲮鱼球，推介！
多年鸡扎都系我其中喜欢既点心，啖啖肉麻，哈哈。虾饺、烧卖、灌汤饺、牛栢叶、等等，都好钟意食！但今晚无咩胃口，食唔到咁多啦。
四宝鱼肚鸡扎，难得系用鱼肚做，好多食肆都转左用猪皮，贪平贪方便！佢地唔会以为食家们食唔出架麻？爽弹多汁棉花鱼肚，索晒鸡汁蟹柳芋头既味道，当然好食啦！其实正中食鸡扎系唔应该拆散黎食架，应该一啖咬到四种食材，先可以感受到复杂又丰富既味道及口感，好味呀！美中不足系腐皮爆开露馅，而且干左少少，要扣分！但味道系正既。
食饱饱，满足满足，但硬系欠杯中国茶啰！唯有攞杯可乐顶住先，一啖饮晒，爽呀！虽然无咩胃口都食左唔少野呢！就算一个人都要食得开心！唔系！应该话一个人更加要食得开心！一盅饭连一个点心及汽水，$48 加炖汤 $18，散叫点心廿蚊，计埋 $90 有找，系铜锣湾抵食啦！
张贴
