世家意大利餐廳 (已結業)

同朋友庆祝生日，四个人想去铜锣湾揾意大利菜食先至发觉原来意大利菜系铜锣已经冇乜选择。上网见到Segafredo系铜锣湾开咗旗舰店胆粗粗去试一试呢间意大利嘅Starbucks意大利菜究竟得唔得。Book咗7：30pm，可能新开，平日一至五唔系好多人。我哋一开波就叫咗个cold cut share，有啲风干牛肉+pama ham。之后再叫多两个汤share。蘑菇汤印象好深刻，应该系新鲜磨菇即磨做汤，所以味道特别浓郁。Main course就叫咗两个pasta + 一个pizza + 一个牛面肉。Pasta + pizza 方面满足到我哋对意大利菜嘅渴求又唔使去啲连锁式意大利餐厅食啲不伦不类嘅意粉。牛面肉煮得恰到好处，所以呢一餐我哋都非常满意。整体嚟讲系铜锣湾食饭三五知己聚餐系一个四粒星选择！