The Grill Room (The L. Square) (已搬遷) 新店位置

临近圣诞节，饭局越来越多。上个周末就相约好耐无见既中学同学到铜锣湾食饭。咁啱见到最近经Sevenrooms book 订枱可享有折扣优惠，就book了The Grill Room。一入内餐厅节日气氛浓厚，到处都喺圣诞彩带；食饭途中都听到唔少嘅圣诞歌曲，当日到访仲见到有客人庆祝生日添。虽然知道餐厅牛肉更加有名，但由于我同朋友都不太好牛肉，所以点了其他肉类主菜。<新鲜黑松露巴马火腿配露笋温泉蛋沙律> $98黑松露香气突出，配搭半流心温泉蛋同埋咸香巴马火腿，口感丰富，冻露笋清脆爽口。<香煎北海道带子龙虾汁扁意粉配三文鱼籽> $208意粉弹牙挂汁，浓郁龙虾汁mix充满口感嘅三文鱼籽，意粉共有三大粒带子，厚身嫩滑。<葡式香辣烧春鸡配黑松露薯条沙律> $238烧春鸡份量颇多，不够某些位置肉质稍微有啲韧，但瑕不掩瑜，外皮香脆，食得出鸡肉腌得入味，微微辣几开胃。黑松露薯条长条厚身，外脆内软。<78%朱古力心太软> $88心太软其貌不扬，切开流心效果非常明显，心太软摆咗一阵入面都仲系暖暖地，不过75%朱古力都喺偏甜，再苦啲会更好。