Hugo Le Resto Grill (已結業)

今日到开业两星期的新餐厅试菜， 餐厅以semi buffet形式运作， 沙律吧同汤自己攞， 仲有main course同埋餐饮， 在铜锣湾真系唔多。 沙律吧方面好有心思， 除咗有沙律菜、菠萝、车厘茄、青瓜呢啲生嘅蔬菜之外， 仲有三款整好咗嘅沙律， 其中苹果鸡肉沙律好清新， 用咗青、红两款苹果混合处理，丰富咗成个沙律嘅味道。 侧边仲有唔同嘅酱汁、 面包粒、烟肉粒同埋芝士粉，真系好有💛。今晚餐汤系龙虾汤，香浓，有阵阵龙虾味，浓淡适中。好味🖒主菜方面，小编推介牛腹肉扒，外面香脆，内面肉质鲜嫩，比起连锁式牛扒屋选材更有心思， 钟意食牛扒嘅朋友值得一试。另外一款推介系银雪鱼扒， 卖相以为好㶶好干身，点知食落鱼皮脆卜卜，鱼肉好滑好鲜味， 完全唔需要点任何酱汁，火喉控制一流。整体嚟讲餐厅花好多心思设计菜式，同埋选材认真， 三五知己开支酒，倾吓计， 不妨试下呢间新开嘅楼上餐厅。