影片
更多
2023-01-15
99 浏览
铜锣湾名店坊食街一向出名多嘢食，中伏嘅比例较低😆。我哋呢晚就订咗枱食「Coast Seafood & Grill」，因为网上睇餐牌好似几吸引。餐厅面积非常大，并设有室外座位，天气凉爽坐出面几Chill，不过店内有大木枱，就比较适合一大班人或家庭聚会👨👩👧👦。餐厅所提供嘅菜式选择繁多，涵盖多国美食。佢嘅餐牌直头整到成本书咁📖，相当精美。但亦因为咁，我未能逐版影低上传分享。泰式羽衣甘蓝烧牛肉沙律($135)，🥗沙律带出泰菜嘅精髓，酸辣酱汁令人开胃。除咗羽衣甘蓝之外，沙律仲有生菜、青瓜、蕃茄同洋葱等，并加入大量花生粒。另一主角系烧牛肉🥩，估唔到都唔错，食落多汁，又有烧烤嘅香气。香葱鱼子酱炸马介休卷($120)，炸物卖相好似中式炸豆腐，酥炸外皮唔油腻，入面就系忌廉芝士混马介休咸鱼蓉🐟，口感绵绵的。可乐饼咸香突出、唔过火，再加埋鱼子酱同香葱，双重滋味。脆炸苏格兰蛋配风肠及蒜蓉蛋黄酱($105)，苏格兰蛋造型一流。🥚鸡蛋蛋黄流心效果一流，外层被香肠肉紧紧包裹，保留传统风味。我略嫌香肠肉质稍为松散，不过好彩调味唔会太咸。法芥酱忌廉烩黄油春鸡配烤中东烤饼($280)，依个黄油春鸡正到不得了，必食
铜锣湾名店坊食街一向出名多嘢食，中伏嘅比例较低😆。我哋呢晚就订咗枱食「Coast Seafood & Grill」，因为网上睇餐牌好似几吸引。
餐厅面积非常大，并设有室外座位，天气凉爽坐出面几Chill，不过店内有大木枱，就比较适合一大班人或家庭聚会👨👩👧👦。
餐厅所提供嘅菜式选择繁多，涵盖多国美食。佢嘅餐牌直头整到成本书咁📖，相当精美。但亦因为咁，我未能逐版影低上传分享。
泰式羽衣甘蓝烧牛肉沙律
$135
4 浏览
0 赞好
0 留言
泰式羽衣甘蓝烧牛肉沙律($135)，🥗沙律带出泰菜嘅精髓，酸辣酱汁令人开胃。除咗羽衣甘蓝之外，沙律仲有生菜、青瓜、蕃茄同洋葱等，并加入大量花生粒。另一主角系烧牛肉🥩，估唔到都唔错，食落多汁，又有烧烤嘅香气。
香葱鱼子酱炸马介休卷
$120
6 浏览
0 赞好
0 留言
香葱鱼子酱炸马介休卷($120)，炸物卖相好似中式炸豆腐，酥炸外皮唔油腻，入面就系忌廉芝士混马介休咸鱼蓉🐟，口感绵绵的。可乐饼咸香突出、唔过火，再加埋鱼子酱同香葱，双重滋味。
脆炸苏格兰蛋配风肠及蒜蓉蛋黄酱($105)，苏格兰蛋造型一流。🥚鸡蛋蛋黄流心效果一流，外层被香肠肉紧紧包裹，保留传统风味。我略嫌香肠肉质稍为松散，不过好彩调味唔会太咸。
法芥酱忌廉烩黄油春鸡配烤中东烤饼
$280
7 浏览
0 赞好
0 留言
法芥酱忌廉烩黄油春鸡配烤中东烤饼($280)，依个黄油春鸡正到不得了，必食推介👍。虽然话系春鸡，但其实唔算细只，仲好厚肉添。鸡皮焗至微脆，鸡肉肉质细嫩🐔。不过最出色嘅部份系个酱汁，法芥忌廉黄油酱好惹味，即使咁重忌廉、咁Creamy，但难得唔会好漏。我认为芥辣味唔强，反而香草🌿同牛油香更突出，总之简单讲就系好好味道。
烧鸡配上中东烤饼🫓，完全吸收晒酱汁嘅精华。烤饼质感本身软熟，少少甜，蘸汁食无得输，所以我认为得四块唔够喉啰。
特色提拉米苏配比利时朱古力雪糕
$105
6 浏览
0 赞好
0 留言
特色提拉米苏配比利时朱古力雪糕($105)，作为Tiramisu达人嘅我，当然要食匀市面上嘅出品👋。呢度嘅制作富有自家特色，佢并非传统一层层𠮶种口味，而系以碗装住丝滑嘅马斯卡邦芝士，再洒上脆米粒以添口感。佢无手指饼嘅湿润或咖啡酒香，取而代之系朱古力🍫。比利时朱古力雪糕香甜浓郁、唔苦涩；而另外倒入甜品作伴嘅汁，可拣特浓咖啡或热朱古力，我要咗后者，比较特别嘛，成个组合出奇地夹。不过我建议先试原味，之后先再倒入热朱，因为味道大不同。
总括嚟讲，Coast系一间极具水准嘅多国菜餐厅🍽，每一样菜式都好食。听闻呢度嘅海鲜都出名，但朋友唔啱食，就未有机会一尝。呢餐消费其实无想像中咁贵，而且份量都唔少啊。
张贴
