吉列牛忌廉烏冬專門店 (百樂中心) (已結業)

今日嚟到铜锣湾食吉列牛同埋忌廉乌冬～ 呢间餐厅我已经喺旺角食过几次，今次第一次嚟到铜锣湾呢边食，一直都觉得佢哋嘅咖喱忌廉乌冬好好味，同大家分享吓先！套餐2）吉列牛定食 $256我同朋友叫咗个吉列牛配忌廉乌冬定食。吉列牛set好丰富，有前菜包括麻酱豆腐、麻酱车厘茄，仲有面豉汤、白饭等等。吉列牛有十几嚿，表面已经炸到好香脆，外皮薄薄一层。内里牛肉未熟嘅，我哋可以因应自己喜好，将牛肉放喺铁板上面煎，煎到适合自己嘅熟度。牛肉煎完后好香，肉味出。之后仲配有三款酱料可以点，分别有烧汁、黑松露牛油同埋Wasabi沙律酱。吉列牛食落口感特别，外皮好脆，牛肉软腍。咖哩忌廉乌冬套餐仲包括咖喱忌廉乌冬，忌廉乌冬晚上好靓，面头有一大层忌廉。忌廉质地好轻盈，好泡泡，为咖喱添加一种奶香。咖喱味道浓郁，唔会太辣。乌冬质地烟靭，好滑身。另外仲可以拣配鸡肉或者牛肉，今次我哋拣咗牛肉，牛肉份量多！Passion Punch +$18呢个set仲跟咗两杯饮品，百香果特饮好清新，好够气，仲有啲百香果籽！忌廉汽水免费唔使加钱～日式炸鸡 $58我哋仲嗌咗个小食，日式炸鸡份量多，每粒细细旧，好容易入口。外皮炸到好香脆，入面鸡肉仲系