滝壽司 (已結業)

铜锣湾好多食Omakase嘅地方，今日去咗利园附近嘅滝寿司，每一道菜都可以睇得出餐厅嘅心思，好有惊喜，即使食咗几次omakase ，都觉得今次好impressed。首先有精致嘅前菜清清味蕾，按次序食落咗醋蜜调味嘅水云水发菜、永螺、爽甜嘅北海道白粟米、豉油腌过嘅里芋、同用面豉汤腌过先烧嘅虾，最后有甜甜地嘅金箔黑豆。餐厅仲准备咗咸菜，有甜柚子皮、姜、腌萝卜。紧接就系鲈鱼刺身同寿司，上面摆咗炒乌鱼子。厚厚嘅鲈鱼刺身保留咗原始鲜味，寿司上嘅鲈鱼用咗另一种切法，加上小小咸嘅乌鱼子，有不同嘅口感同味道。北海道真蚝，大只得嚟爽身，师傅加咗柚子汁，爽身带少少清甜，海水味重，食完会喺个口度留香。北海道帆立贝，中间加咗蒸过嘅紫海胆，带出另一个层次嘅味道。间白鱼，用酱油调味，厚身有咬口，口感相对烟韧。池鱼，落咗酸酸甜甜嘅无花果汁带出鲜味，池鱼肉质腍身，但独特嘅切法令口感变得好特别，体现师傅刀工。北海道海胆，海胆味浓而且口感 creamy，适合配白饭一齐食。倒蟹，卖相一流之余味道亦都好新鲜，师傅用咗白桃同蛋黄醋做顶，下面系蟹膏同蟹肉，甜酸之间夹杂住蟹膏嘅咸味。竹签鱼，加咗柚子皮，食嘅时候闻到柚子嘅清香。见住师