泰式食

营业中

休息中

铜锣湾唔少楼上餐厅都几抵食，最近就发现左呢间泰式食。一入门口就比佢充满泰式风情嘅布置吸引，除左比较常见嘅泰式摆设如佛像、流水台外，最特别就系佢有架泰国的士Tuk tuk！我同朋友下午都食得比较饱，所以来到净系叫左野饮同三样野食share，分别系串烧、炒贵刁同一个甜品。龙眼冰&泰式奶茶两杯野饮都唔错；特别系个龙眼冰几多龙眼肉！沙爹串烧猪肉同鸡肉各两串，两款嘅肉质几软，唔会好实，同埋肉本身腌得好入味，烧得又唔㶶，微微烧香过。佢个沙爹酱真系精髓，食落尝到酱里面唔同香料嘅味道，好惹味。皇宫大虾蛋网炒贵刁呢个炒贵刁系特别有个煎蛋制成嘅网包住粉，卖相几特别。上面嘅虾好大只，肉好多，炸得香脆可口。粉条伴芽菜、蛋一齐炒，酱汁酸酸甜甜，又唔算太浓味，炒得好好食！如果钟意浓味D，伴碟有蒜蓉碎、辣椒粉，食个时可按个人喜好加入。椰汁千层糕充满椰汁嘅香味，口感烟韧，呢个千层糕系刚刚蒸好热辣辣辣上碟，建议摊冻一阵先食个口感更佳。