Nafafa Thai Cuisine & Lounge (已結業)

再次来到铜锣湾楼上精致泰国餐厅。环境同食物都保持水准，价钱算平易近人。🥢NAFAFA 冬阴功汤冬阴公汤够浓味，最钟意唔系太酸。另外，因为加入咗椰浆去煮，口感更棉滑。其实入面好多料，有大虾、菇菌类、香茅和柠檬叶等等，都几入味～🥢炸虾饼炸虾饼入口好酥脆，入面既虾滑好爽弹🥢黄咖喱炒虾是晚最爱之选。一上碟被香浓的咖喱味笼罩住，咖喱加入咗辣椒膏、咖喱粉、鸡蛋和椰奶和原饭大虾去炒，每啖虾肉都渗满浓厚嘅汁，惹味好食！如图所示，大虾半只手掌咁大，爆膏嘅虾头配上弹滑嘅虾肉，味道好正宗～🥢大虾炒金边粉泰国菜必点嘅菜式，金边粉炒得好干身好香口，再捞埋旁边的花生碎同青柠汁，都系非常正宗～🥢椰香芒果糯米饭芒果超甜，配埋软糯既三色糯米饭，每啖都淋满香甜既椰浆，好Q弹好美味！