Zappy (已結業)

上次同中学同学试过一次晚餐，用餐经验十分愉快，决定约其他朋友再访Zappy 。Menu改动不大，系饮品方面多左啲cocktail 🍸同mocktail。今次试左咸蛋黄薯条同香脆辣虾米著条🍟，当日冇薯角，所以餐厅经咨询后转左薯条比我地。个咸蛋黄薯条好香，每条薯条都沾满咸蛋黄酱，至于另一款薯条系更加香口😋，再加上微辣，十分适合送酒。主菜方面试左安格斯肉眼牛扒🥩同烤加拿大猪鞍，两款主菜都非常有水准，充满住肉汁。个人比较钟意食牛，觉得佢块牛够大块又有牛味，配菜又好食，绝对会encore。意粉方面，今次嗌左烟三文鱼菠菜意大利饭同XO酱大虾意粉，意大利饭比较清淡，但啲烟三文鱼同菠菜份量多，饭上仲加左啲三文鱼籽，成碟饭好靓又好味。XO酱大虾意粉仍然保持水准，🦐虾肉弹牙再配上惹味意大利面，绝对系必食。另外，贝壳锅今次试左喇沙汁，个人觉得冬荫功更出色，可能自己钟意食辣。呢间楼上小店，店员友善，食物质素高，坐得又舒服，非常适合与三五知己聚会。