Wish You A Mamaday (已結業)

相信唔少人听过Mamaday呢间走骑呢路线嘅cafe，佢哋啲食物不嬲都几有水准，个名仲好得意，最近发现佢哋喺铜锣湾开多咗间分店，又心思思去食。首先叫咗杯豆腐豆腐豆腐咖啡，我谂佢个名应该系因为佢真系用咗好多唔同嘅豆腐制成，最顶层有豆腐雪糕，最低层都有啲豆腐，成杯咖啡清清地唔会太甜，如果你想加甜味，餐厅亦提供糖浆，可以加落去。朋友就叫咗杯Tiramisu，饮落去真系好似tiramisu嘅味道，有晒佢啲层次，仲带啲酒香，好有特色。明太子薯条，薯条系粗身嘅，新颖咁配搭明太子嘅咸味，更加香口，惊我哋食晒啲明太子，餐厅亦会提供额外嘅明太子。另外一个特色嘅菜式系黑过墨汁三文鱼比萨，呢个pizza系呢间分店独有嘅。佢用咗薄pizza底，食落好脆，味道有少少偏咸，但系加埋蕃茄中和下，容易入口。最后不得不提瑞士名物芝士火锅，呢个火锅有牛扒、虾、薯仔、西兰花同蒜蓉面包粒，非常丰富。餐厅仲贴心咁将虾剥壳同去肠，可以直接摆落火锅。