Hugo Le Resto Grill (已結業)

铜锣湾西餐厅何其多，但semi-buffet就唔常见。呢间餐厅嘅semi-buffet有任食唔嬲嘅新鲜沙律菜、水果同埋冻虾。除左salad bar之外，跟餐仲有味道浓郁嘅农虾汤，内里仲有一粒粒虾肉。另外仲有岩岩烘热左嘅餐包同埋饮品，作为前菜十分丰富。主菜方面，有鲜罗勒香草酱海鲜扁意粉($238) 意粉软硬度适中，冇煮得太熟或太生。香草酱嘅味道均匀地融入意粉同配料中，啖啖都系香浓嘅味道。配料绝不吝啬，有花甲、大虾数只、菇同埋鱿鱼。每样食材都煮得好入味。美国顶级牛肩肉排($298) 因为我唔太中意太生嘅牛排，所以拣左7成熟。但感觉拣5成熟肉质会更软更美味。牛肉好多汁，调味方面用左简单嘅椒盐，更突出牛肉嘅香味。伴碟嘅薯菜炒过后好好味。