川火堂

营业中

休息中

呢晚约咗个嗜辣嘅友人食晚饭 揾咗呢间喺铜锣湾嘅川菜 主力想食佢嘅川式烤鱼😉烧椒金色皮蛋因为太肚饿 所以嗌咗碟前菜食下 呢碟皮蛋并唔系黑鼆鼆𠮶种😮 所以一上碟已经觉得好赏心悦目 面头有啲鲜蒜蓉同埋辣椒 食落口有浸烟熏嘅味道 仲有部份皮蛋系流心㗎👅 胶原脆皮猪手呢个一定系必叫之选 猪手厚肉 而且猪皮炸到好松化 配埋椒盐加花椒嘅调味料🧂 猪手嘅肉仲好软腍 而且每件都好大件 都几抵食 食完真系觉得骨胶原满满☺️酸菜豆腐青花椒烤鱼呢碟酸菜鱼已经有埋豆腐同埋芽菜喺底🐟 估唔到豆腐同埋酸菜鱼嘅味道咁夹 豆腐几滑 不过都唔够酸菜鱼嘅鱼肉嫩滑 呢条酸菜鱼份量都几多 鱼肉鱼油丰富 所以食落口特别嫩口🥰 黄金小馒头 小馒头炸得好酥脆 上碟时热辣辣 外脆内软 点埋炼奶食就啱啦☺️ 一碟有六件 方便同朋友分享特别欣赏呢度店员嘅服务 因为我喺地铁站赶过嚟 入座嘅时候滴晒汗 店员竟然留意到 仲特登较大啲个冷气 等我可以凉快啲 真系超级贴心啊🥹