影片
更多
2024-08-31
244 浏览
近期睇网上介绍先知原来铜锣湾有好几间几正宗嘅日式料理小店🇯🇵呢晚放工就去咗呢间位于永光广场嘅日式居酒屋🍶连电视都系播紧日本综艺，厕所都好贴心咁准备埋漱口水等个人护理用品🙈而餐牌嘅选择都好多，虽然话佢系出名食炸串，但系都有好多唔同嘅小食、锅物、刺身等等选择😋前菜 $20/位同日本嘅居酒屋一样，呢度每人都会有一款前菜，今日就有三款选择，我哋拣咗薯仔沙律🥔同埋茄子🍆两款嘅味道都唔错🤓芝士酒盗 $38系一款几重口味嘅下酒小食🍸下面深红色嘅系腌渍咗嘅鱼肠，味道有啲似萤光鱿鱼咁，鱼肠质感带少少爽脆，但系真系要送酒食🤣博多牛肠锅（盐味） $320牛肠锅系福冈嘅名物，但系香港好少地方有得食🫣入面嘅材料有牛肠、大量韭菜同埋芽菜、明太子、蒜片、柠檬等，由于牛肠有大量脂肪，所以个汤底会充满油香，邪恶之选😈杂炊 $38我哋仲加多咗个杂炊🍚食到最尾可以加啲饭入去个汤度煮，吸晒啲汤汁嘅精华😌海鲜沙律 $108沙律加入咗唔同嘅刺身粒粒🐟有三文鱼、吞拿鱼、白身鱼、八爪鱼等等，个酱汁带啲果香味，感觉几清新😝炸枝豆鱼饼 $58佢哋呢排做紧枝豆嘅推广🫛有几款以枝豆整成嘅小食，呢个鱼饼入边就加咗一粒粒嘅枝豆，口感几丰富😎铁板
前菜 $20/位
同日本嘅居酒屋一样，呢度每人都会有一款前菜，今日就有三款选择，我哋拣咗薯仔沙律🥔同埋茄子🍆两款嘅味道都唔错🤓
芝士酒盗 $38
系一款几重口味嘅下酒小食🍸下面深红色嘅系腌渍咗嘅鱼肠，味道有啲似萤光鱿鱼咁，鱼肠质感带少少爽脆，但系真系要送酒食🤣
博多牛肠锅（盐味） $320
牛肠锅系福冈嘅名物，但系香港好少地方有得食🫣入面嘅材料有牛肠、大量韭菜同埋芽菜、明太子、蒜片、柠檬等，由于牛肠有大量脂肪，所以个汤底会充满油香，邪恶之选😈
杂炊 $38
我哋仲加多咗个杂炊🍚食到最尾可以加啲饭入去个汤度煮，吸晒啲汤汁嘅精华😌
海鲜沙律 $108
沙律加入咗唔同嘅刺身粒粒🐟有三文鱼、吞拿鱼、白身鱼、八爪鱼等等，个酱汁带啲果香味，感觉几清新😝
炸枝豆鱼饼 $58
佢哋呢排做紧枝豆嘅推广🫛有几款以枝豆整成嘅小食，呢个鱼饼入边就加咗一粒粒嘅枝豆，口感几丰富😎
铁板海鲜明太子 $68
呢个感觉有少少似大阪烧🔥由于系用山药泥整成，所以质感就软身好多，但系个底系脆脆地，入面亦都加入咗啲八爪鱼粒🐙好香明太子味😋
炸串
-日本鸡蛋猪肉卷 $38
-生蚝猪肉卷 $25
-猪腩肉 $22
-虾滑秋葵 $22
-沙鮻鱼 $22
-洋葱 $18
-南瓜 $18
嚟到就梗系要试吓佢嘅炸串🍢鸡蛋猪肉卷用咗猪腩肉包住流心蛋，好有心思🐷秋葵入面就酿咗啲虾肉，几特别，而沙鮻鱼嘅质感都几软滑🐟炸串仲会跟埋生椰菜同埋一个特制嘅酱汁，味道有啲似炸猪扒酱咁，可以帮助解腻😗
芒果啤酒 $68
呢度有好多种唔同口味嘅Frozen Beer🍺连青瓜、玫瑰等比较特别嘅味道都有，我哋就拣咗芒果味🥭佢嘅泡沫好似一座小山丘咁，原来系沙冰嚟，可以令啤酒保持冰凉❄️
张贴
