老長沙湘菜館

营业中

休息中

今日去到铜锣湾L square呢一间餐厅食正宗嘅湘菜！朋友同我一向都钟意食辣，所以佢就拣咗呢一间餐厅试吓，而且呢一间餐厅系新开，亦都令到我哋格外兴奋 餐厅地址都唔难揾，距离地铁站大概5分钟路程 店员为我哋确认Booking之后就好快入到去 头盘我哋叫咗个手拍青瓜，青瓜配酸辣嘅配搭，非常衬，而且味道唔会过辣，青瓜亦非常清甜可口，作为前菜非常开胃 另外推介嘅有铁板水晶粉，水晶粉非常烟靭，配上辣嘅调味，热辣辣非常好食 配菜有椰菜，食落更加令到口感丰富 农家小炒肉一放上枱就闻到香辣嘅味道 分量来讲都算几多，而且非常有镬气 呢个𩠌系我同朋友最爱嘅𩠌 做得非常出色 饮品就每人一罐加多宝 都好耐冇饮加多宝，配上辣嘢食中和下都唔错 餐厅店员最后仲送咗糖水俾我哋食，非常亲切！以一间新嘅餐厅来讲都算有几高嘅水准！餐厅嘅装修亦都唔会太迫，整体用餐经验非常愉快