波士冰室

营业中

休息中

今日天气突然转凉，好幸运喺香港总有一间冰室喺左近。今晚试吓铜锣湾嘅波士冰室，食个暖笠笠嘅晚餐。我好意外见到我嘅最爱蛋包饭，所以好容易就决定咗叫西冷牛扒漩涡蛋包饭。不禁欣赏呢个名改得份外绘形绘色。西冷牛扒嘅牛筋牛肉分布平均，加有少许黑椒，更带出香浓味道。香滑炒蛋漩涡般盖住白饭面，造型味道同样吸引。再配甜甜的日式照烧汁，仲有西兰花同樱桃番茄伴碟，色香味俱全。注重养生嘅我又遇着寒冷天气，好自然俾冰室嘅自家制生磨蛋白杏仁茶吸引咗，热腾腾的，一边饮一边食到粒粒蛋白，蛋白质丰富又暖身。