泰式食

营业中

休息中

铜锣湾金百利有一间几出名嘅泰国菜，好多朋友都有讲过呢间餐厅，一于揾日同朋友去试一试。上到去个装修环境都好有泰式风味，仲有泰国𠮶啲笃笃车，啲摆设都好特别。因为今次冇预到好多钱食海鲜，所以就食啲淀粉质类别嘅食物，顺便试吓佢啲口味。803 菠萝炒饭$95你会见到有成个菠萝，里面仲有啲海鲜包括鲜虾同埋鱿鱼等等，菠萝味融入喺饭里面，香味十足。份量都好多，所以好饱肚。812 泰式干炒牛河$90干炒牛河里面有好多牛肉，都好松化，干身得来大大块嘅河粉口感都几弹牙，够入味，所以比较好吃。63 椰汁西米露$42最后竟然有多款甜品选择，我哋就试吓个椰汁西米露，都好大碗，味道未有什么太大特别，不过甜味适中已经很不错。自己煮西米都有啲麻烦。