龍城冰室

营业中

休息中

今日收工之后，约咗老婆嚟到铜锣湾揾嘢食，经过见到呢间冰室招牌大大只字，成日经过但未试过，又突然心痒痒想食下铁板餐豪少少就入咗去试吓，果然有惊喜。首先我哋两个人叫咗番招牌石锅鲍鱼虾球炒饭、铁板龙虾拼牛柳，仲有蒜蓉牛油烟肉焗青口，嘢饮就试下叫咗鲜柠热情果梳打打开一下个胃口。第一时间黎个餐汤就正正常常白汤，牛油烟肉焗青口嘅份量亦不错，啲蒜香味都好浓。万众期待既龙虾拼牛柳终于都出现，先唔讲味道，个份量原来已经好够两个人食，牛扒又超厚，龙虾方面亦都中水上平，卖相摆出黎的确唔错，份量真系非常足，所以最后劲饱。另外，而石锅鲍鱼虾球炒饭，炒饭底都粒粒干身，海鲜配搭都好丰富，最紧要系石锅果种镬气够足。亦都由于份量真系唔少，我都要为老婆奉献更多胃纳出黎食晒佢地! 总结来讲，平时想去铜锣湾揾港式冰室食下扒、炒饭，呢间既食物质素唔错，抵食夹大件可以回头会再嚟帮衬果种。