左麟右李粥麵小菜專門店 (已搬遷) 新店位置

食开烧味有瘾，今日去咗呢间摆明高档嘅。谂住要散叫，居然有腩仔四宝饭$68，我都冇问有乜，见到就叫，加咗个菜干猪肺汤$10。嚟到好有惊喜，居然有烧腩仔、叉烧、油鸡、咸蛋，基本上系我常食𠮶几样齐哂，而且份量都颇大。烧腩仔肥瘦相间肉质嫩滑，个皮松脆咬落卜卜声，调味啱啱好冇过咸，个芥末酱冇抢味点咗仲冇咁腻。叉烧半肥瘦软腍，有肉焦香。油鸡近胸位都嫰滑但肥咗啲，姜蓉冇沟葱。咸蛋只黄都算几湿润唔过干。碗饭有米香。个汤滚烫，好足料冇味精。糖水系蜜枣龙眼水，冇过甜，够滋润。环境好企理，啲嘢食上碟美观，质素高，水滚茶靓，而且好近公司，可以经常去。