小曼谷泰國美食站

营业中

休息中

今日约咗朋友嚟铜锣湾食饭，喺Tower 575 地库有好多野食，呢间有个特色火车头嘅泰国菜餐厅好吸晴，装修风格以型格黑色配上黄色钨丝灯胆为主调，座位舒适。餐牌款式多元化，有泰式串烧、海鲜BBQ 、咖喱、沙律、小食炸物等等。每位都会附送一碗泰式酸辣汤，酸酸辣辣好开胃。泰式串烧：牛舌（4片）泰式串烧牛舌味道与口感同日式牛舌截然不同，质感软熟，食落有咸香，有啲似咸牛肉嘅感觉，加咗黑椒更惹味。珍宝带子沙嗲串烧：带子鲜味，爽口弹牙，可以有两种食法，第一种配埋车厘茄同沙嗲酱一齐食几惹味；第二种就咁食，原汁原味可以食到带子嘅鲜味。猪肉碎生菜包🥬辣度可自由选择，呢个系小辣版本，猪肉碎嘅份量都几多，吵到好香带少少辣好惹味，用清甜爽脆嘅生菜包住食减少油腻感又开胃。泰式马拉盏炒椰菜苗落单时可自行调节口味，可以少咸及少油更健康👍🏻 椰菜苗炒得好翠绿，味道甘甜爽脆，以马拉盏方式炒非常惹味，好有镬气。椰青波波 🥥 其实系椰青起咗肉，好白好滑好cute，椰汁清甜，清新解腻。整体而言，食物质素不错，份量充足；地点方面，环境舒适；服务态度良好。