去滾

营业中

休息中

朋友话铜锣湾开咗间好特别嘅火锅，就系呢间位于登龙街嘅去滚，因为个名实在太特别，所以我哋决定试吓。餐厅环境真系好舒服，好多特别嘅打卡位，餐厅装潢偏古雅，但当中融合咗型格嘅元素，型格古风好有特色。餐厅嘅牌匾上面仲有啲好有gimmick嘅字眼，非常有趣👍汤底方面，我哋叫咗芫茜皮蛋豆腐汤底，浓浓嘅芫茜同埋皮蛋香味，真系好滋味😋。我哋叫咗潮汕极品特级吊龙，牛脷芯，白墨鱼丸，黑松露饺（入面嘅鲜虾非常爽滑弹牙），同埋小食虾胶酿油炸鬼。潮汕吊龙同牛脷芯都非常有牛味，啲肉质新鲜，厚薄适中，真系打边炉一流。手打黑白墨鱼滑，呢个墨鱼滑好特别啊，又黑又白，食落仲有粒粒墨鱼添，好香墨鱼味。黑松露饺入面嘅鲜虾弹牙又鲜甜，真系唔可以错过。虾胶酿油炸鬼就更加系新鲜热辣辣，非常脆口。值得一赞系呢度嘅职员服务态度非常好，对客人照顾得无微不至，非常有礼貌同体贴，令我哋用餐体验更加愉快。去滚📍登龙街1-29号金朝阳中心二期 - Midtown 27楼