Exotica Gelatea (已結業)

早两日行街发现铜锣湾Time Square 后面有间意大利古堡风既 burger 餐厅，店内面积唔大，但装修布置好有特色，墙上挂满油画，有种欧洲古堡既神秘感。Burger 即点即做，可以选择跟餐或者单点，想试多两款仲可以拣 tasting size。餐厅除左burger，Gelato (意大利雪糕) 亦系佢哋嘅招牌，下次有机会都想再试吓。Cauldron Burger 古代汉堡  (Combo $139)顶层铺满阿根廷青汁，系餐厅既招牌汉堡。配料有热熔芝士、蕃茄同生菜，牛肉非常厚身，咬落多汁香浓。配埋青酱一齐食，酸酸甜甜刚好可以解油腻，而且味道好夹，值得推介。👍🏻薯条亦炸得金黄香脆，一食就停唔倒口，好彩加 $15 就可以再追加。Wagyu Burger 和牛汉堡 (Original $119)同样份量十足，牛肉换成和牛，除左一样咁Juicy，仲多左层和牛嘅油香，味道较一般牛肉更浓郁。而面包烤得外脆内松，一啲都唔干。Blackcurrant Mango Drink (跟餐 +$35)跟餐饮品有mocktails、咖啡或其他特饮。黑加仑子味道较出，中和返芒果既甜度，口感清新，解腻一流。