勝八居酒屋 (已結業)

今日约左个友人又去食好野，个朋友想食刺身，所以带左佢去呢一间以食新鲜刺身为主打的居酒屋-胜八居酒屋！呢间环境都系好日式，虽然系楼上店，但一开䢂门就会见到好日式嘅门面，而且要开门先入到餐厅，唔洗比人系出面睇住你食饭！门口仲有今期优惠！最近系呢到饮图中酒精饮品买一送一，真心正！但留心呀，假期前夕、星期五、六都唔用得呢个优惠！对于我呢啲对酒精无法抗拒嘅人黎讲，都咪话唔正😂入面当然都好居酒屋，餐厅更加会将是日新鲜推荐用木板放出黎，又日式又方便客人了解！唔好讲咁多，食刺身要紧！叫左是日新鲜刺身：带子、白虾蓉、萤光鱿鱼、八爪鱼吸盘同金目鲷刺身！每一样都好新鲜！金目鲷有鱼味，但却唔会觉腥！带子鲜甜嫩滑！萤光鱿鱼爽口弹牙！白虾蓉虾味好重，啖啖甜甜！最正真系吸盘！好少地方会有吸盘可以食，个种脆爽感觉，真系好难追求到🤗汁煮鲍鱼更加唔洗讲，日式甜味酱汁完全入哂鲍鱼肉入面！咬落去岩岩好，系咬得烂同唔烂之间，唔会软pat pat又好硬骨骨👍🏼👍🏼甲罗烧就更加唔洗讲，将蟹肉蟹膏加上面包上享用！浓浓蟹味加上脆包，味道与别不同！吉列蚝更加系大大只，肉身厚，配上酱汁，蚝味更加突出，食完一只再想食另一只，再一只，再一只.