緣味小聚 (金百利廣場) (已結業)

又系时候饮啖茶食个包，铜锣湾呢间缘味小聚有唔少点心食，今日就带妈咪黎试下！🧸客家鲜咸鸡🧸咸鸡份量系小食份量，唔会太多，两个人食就岩岩好。咸鸡味道咸香，皮滑肉嫩，咸香得黎仲食到鸡肉既鲜味，口感唔会鞋口难食，反而啲鸡肉几嫩几腍，好好！🪆缘味鲜虾饺皇🪆虾饺好大粒，虾饺皮好薄，薄到睇到入面啲虾，够晒薄皮，烟烟韧韧，软糯粘口，虾好弹牙好香，热辣辣新鲜蒸出黎，咬开仲有啲虾蒸好既精华，非常鲜味！🎈蟹子烧卖皇🎈烧卖都系估唔到咁大粒，圆轱辘一粒，好饱满，猪肉馅好香，调味好好，用半肥瘦猪肉，口感更加嫩，咬开亦食到虾肉，好足料，加埋面头既蟹子冬菇，滋味！🎀回味蘑菇包🎀蘑菇包完全系一粒放大版既蘑菇，造型好靓，好有心思，包好软熟，质感好好，咬开就系满满既蘑菇，味道香浓，中意食菇既一定要叫黎试下，清清地好食！