Manecy's Studio Restaurant (已結業)

我个friend系一个猪手狂，无论去到任何一间食店，只要见到有猪手一定会食。今次我哋系慕名而来，一试铜锣湾第一咸猪手。入到餐厅，欧陆式装修，大大的酒水吧，设计像扒房。前菜我们点了西班牙24个月黑毛猪火腿配蜜瓜，风干的咸火腿卷著清甜的蜜瓜吃是绝配，份量也不少，足够二人食。主食点了脆爆咸猪手和自家制pizza; 咸猪手外面很脆，一如其名脆爆，内里肉质唔会又干又"鞋", 连皮食非常香口，我个friend都赞好正。招牌自家制pizza是薄批的，有6件，每件都放上风干咸火腿，里面唔系太多芝士，唔会好"漏", 一个人食3件都可以。甜品要了特式紫蕃薯朱古力盘栽，整到好似真植物一样，上面一层系朱古力泥，里面有紫薯；呢个甜品唔算太甜，两个人share食几好。饮品我哋点了玫瑰乐园和冻柠茶；玫瑰乐园系玫瑰花茶，我好钟意啲颜色，愈饮愈浓愈深色，享受花香味的同时也有视觉享受。