蛇王熙

营业中

休息中

阔别一年多既蛇王二终于喺波斯富街开返啦，不乏大量捧场客。秋风起加上有点凉意，呢D时间几啱食下蛇羹暖暖身，顺便黎回味一下。花胶烩蛇羹好足料既滋补蛇羹，大大块滑嘟嘟花胶，蛇羹入面睇落仲有好多蛇肉丝。蛇肉鲜甜完全冇腥味，连胡椒粉都可以唔驶落，原汁原味，正!蛇羹最紧要就系落埋多种拌料一齐食，几辫清香白菊花片、爽口木耳丝、柠檬叶、黄姜丝，几块薄脆片，食几啖已感到暖胃感。凉拌拍青瓜云耳叹完热腾腾既蛇羹，可以先食几片凉口青瓜片前菜，味道唔太浓几fresh，口感超爽脆，有少少酱汁拌埋食酸酸地够开胃，云耳细细朵同样入味。腊味糯米饭粒粒粒分明最中意呢度既润肠，肠衣干身脆口，入口唔油腻，内里肝味浓郁，仲有一阵酒香套餐价$118真系抵食另一份同样系花胶烩蛇羹、凉拌拍青瓜云耳主食：滋补蛇汁浸鸡饭跟餐仲有浸泡蛇汁既滋味鸡客饭，鸡肉好嫩滑白晢，夹起真系啖啖肉。皮层吸收左蛇汁精华，连埋鸡皮香食起黎特别惹味，皮下脂肪薄薄地，食鸡连皮吞嚼真系一种享受。川芎白芷天麻炖鱼头汤多种中药材配方炖汤，浓稠足料。汤色金黄清澈，入口回甘，一股行气活血直落肠胃，最啱袪风补血气！连鱼头骨都炖到溶化感。