Yoghi (已結業)

大家都知我A姐最钟意就系食韩国野，炸鸡呀、韩烧呀、部队锅呀！就算我食唔闷，你哋睇见都闷啦！所以今次就同M佬去咗一间比较特别嘅韩式餐厅，嚟到铜锣湾永光中心嘅Yoghi，试吓啲Fusion韩国菜啦！干烹茄子：平时食炸鸡，虽然好好味，但食得多又溜又惊肥！想健康啲？呢度就系用茄子取代鸡，经过烤炸嘅茄子，外脆内软，配埋特制酸甜汁，真系够晒开胃！意大利辣肉肠拉面薄饼：我想食拉面，M佬想食薄饼，所以店员Oppa极力推介呢个拉面薄饼，听讲仲系镇店之宝！呢个辣肉肠薄饼有别于一般饼底，改而用上拉面底，最大嘅惊喜系脆！卜！卜！而配料用咗我最钟意嘅韩式芝士同辣肉肠，简单嘅组合，出奇地好味。牛骨汤饭：牛味比较清淡，啱晒食完重口味嘅茄子同薄饼！不过，就略嫌牛嘅分量太少喇！青柠梳打：大热天时，呢杯青柠梳打就啱晒消暑啦。