顏府御膳 (已結業)

前几日落堂之后好攰，好想食啲好野慰劳下自己，醒起铜锣湾有间精致嘅中菜餐厅，就去咗𠮶度食个晚饭。🍤金沙脆豆腐豆腐炸得好香脆嫩滑，仲有少少芝麻去增加佢嘅香味。可以食得出豆腐嘅豆香，如果想浓味少少，可以加埋XO酱一齐食，啲XO酱又系好惹味。🥒青瓜海蜇头啲海蜇头好靓，食落好弹牙，配埋凉拌嘅青瓜同木耳，辣辣地好开胃。🍲青红萝卜汤一人叫返一盅汤饮下，呢个汤好香浓，除咗青萝卜同红萝卜之外，仲有螺头同鸡脚喺入面，好足料，感觉会好养生咁。🦀蟹肉桂花炒瑶柱呢道菜好特别，卖相同味道都有啲似炒饭，不过就好似用瑶柱、蟹肉、芽菜同埋蛋返去取代咗饭咁，所以食落去平时嘅炒饭正好多。蟹肉同瑶柱嘅份量好多，味道好香，有啲瑶柱丝仲好香脆添，炒得好有镬气，值得一试。🥬羊肚耳珍菌浓汤浸时蔬点都要食返啲菜，呢道菜真系必食。浓汤好香，有啲咸蛋黄味咁，我忍唔住饮咗几啖。有好多种菇类，今日嘅时蔬系娃娃菜，食得出好鲜嫩，索晒啲浓汤，正。