日喜樓 (已結業)

Lunch同同事去揾食，突然想食中菜，上网睇过日喜楼环境阔落，坐得舒服， 就去食个午餐😙午市都几抵食，一般都系$90至$130左右，每款午餐都配前菜、点心及饮品，埋单时先知原来仲唔使加一😯 一点前离座仲有九折不过我哋赶唔切😂入到餐厅店员服务好好，即问我哋饮咩茶， 拣咗铁观音， 但茶味较清。前菜有木耳、肴肉、茄子等🍆 点心有红油抄手🥟及煎饼， 都几丰富☺️午餐拣咗葱爆牛肉配白汤猪骨煨面， 葱爆牛肉炒得好香牛肉够林， 白汤猪骨煨面清清地配葱爆牛肉就刚刚好😉另外叫咗油淋鸡配担担面，油淋鸡分量都几多，食落有啲似茶熏鸡味道，唔算太滑， 但都ok😎 担担面面质几好食，但相对地觉得偏辣🌶️🍜散叫咗四色小笼包，热辣辣，皮较薄，唔错。 有四款味道，但食落去分唔出系咩味😆餐饮仲可以拣红枣茶，非常健康。 午餐唔使加一真系好抵食，而且好丰富😎赞！