日喜樓 (已結業)

食好西其实使咪理由，想食就去马😏日喜楼系我地其中一间最喜爱的中餐菜馆之中，就脚又好味，食过番寻味😋杞子花雕醉鸡 - 酒香皮爽，加上鸡肉沾上的花雕酒香，连个汁我都试饮埋，真系无得弹！砂锅云吞鸡- 虽然食咗个花雕醉鸡前菜,但我的两口子咁钟意食鸡又点会够喉，于是乎再叫左砂锅云吞鸡 。娃娃菜云吞再加上清鸡汤就系呢味𩠌的主要材料。娃娃菜煲得软林清甜，我地2个争住抢食而个汤又够清，啱哂我地口味。铁板煎封鳕鱼扒 - 煎得皮脆肉又够厚，对于唔钟意吐鱼骨的我地黎讲的确系好方便，而且味道刚好不太浓，可以一试。爆汁生煎包 - 每食去亲日喜楼都必食永无失手。生煎包皮薄底脆，汤汁唔会太肥腻，但就真系要小心个爆汁，因为新鲜整起d热汁真系爆射出黎！四喜临门小笼包 - 特色的4色小笼包，卖相一流，味道不俗，小笼包爱好者可以试下。