影片
更多
2017-01-16
468 浏览
铜锣湾充满各国特色餐厅，想食一个简单午餐原来不易，途经呢间门口似大排档，但又挂满西式厨师推介餐牌，见到坐满晒人，又到下午茶时间, 就入去试试！室内约坐到20人，而室外就约20-30人，我地简左坐里面。餐牌选择有好多，最后我地简左：超值套餐$38: 蕃茄汤 出前一丁 吉列猪扒，炒滑蛋 牛油厚多士，热柠檬绿茶下午茶餐$30: 芝士猪骨汤 肥牛 出前一丁，热奶茶楼面约有3个侍应，约等左15分钟先出饮品，我杯所谓柠檬绿茶，完全冇柠檬味，似系樽装无糖绿茶加热！👎🏻侍应非常忙，不停高呼售罄既食物：鱼柳、青咖哩、茄汁....虽然饮品唔好味但我们还是充满期望！再等多约10分钟，炒滑蛋厚多士送到，滑蛋'辣'嘴既，都尚算香滑。食左多士之后成15分钟，都未见出前一丁，忍唔住问侍应，但侍应一句：「得一个师父，要等下。」期间留意到其他食客食焗饭，反而好快有得食，而餐厅由我们到达时9成满净番2成，应该任何一个阿姐都可帮忙整既一丁！点解我地都未有得食，真系几嬲！再隔左一阵，终于有得食，等左35分钟既一丁，先黎芝士猪骨汤肥牛丁，一眼就睇得出唔系一丁，淡口味既味精猪骨汤，侍应话芝士系汤底度，真系食唔出👎🏻！跟住黎埋吉列
室内约坐到20人，而室外就约20-30人，我地简左坐里面。餐牌选择有好多，最后我地简左：
超值套餐$38: 蕃茄汤 出前一丁 吉列猪扒，炒滑蛋 牛油厚多士，热柠檬绿茶
下午茶餐$30: 芝士猪骨汤 肥牛 出前一丁，热奶茶
楼面约有3个侍应，约等左15分钟先出饮品，我杯所谓柠檬绿茶，完全冇柠檬味，似系樽装无糖绿茶加热！👎🏻
侍应非常忙，不停高呼售罄既食物：鱼柳、青咖哩、茄汁....虽然饮品唔好味但我们还是充满期望！
再等多约10分钟，炒滑蛋厚多士送到，滑蛋'辣'嘴既，都尚算香滑。
食左多士之后成15分钟，都未见出前一丁，忍唔住问侍应，但侍应一句：「得一个师父，要等下。」
期间留意到其他食客食焗饭，反而好快有得食，而餐厅由我们到达时9成满净番2成，应该任何一个阿姐都可帮忙整既一丁！点解我地都未有得食，真系几嬲！
再隔左一阵，终于有得食，等左35分钟既一丁，先黎芝士猪骨汤肥牛丁，一眼就睇得出唔系一丁，淡口味既味精猪骨汤，侍应话芝士系汤底度，真系食唔出👎🏻！跟住黎埋吉列猪扒 蕃茄汤丁，猪扒炸到皮好干同好硬👎🏻，蕃茄汤好味过猪味汤，有味啲，不过个所谓一丁既口感真系唔得，面较幼同林👎🏻。我地用2分钟食左半碗就走左！真心嬲等左咁耐为左食碗咁既野😡
张贴
