越華會海鮮館 (已結業)

星期四同一堆友人去铜锣湾吹水食饭，就想揾个食饭饮酒的地方，就拣左去越华会食晚餐。叫左椒盐鲜鱿、椒盐九肚鱼、虾多士、姜汁芥兰、招牌菜黑松露手撕鸡同豉油王炒面。D 炒野炸野全部都好干身，有镬气同好正。鲜鱿好新鲜好爽，九肚鱼好滑，虾多士好干身好脆，姜汁爽脆唔苦同有姜味，炒面干身唔咸。个手撕鸡的黑松露酱好香，但落得太多，稍为咸左少少，不过连埋青瓜一齐食都OK。啤酒好够冻，有冰筒上。下次可以再encore食过。