老厝邊

营业中

休息中

餐厅：老厝边地点：铜锣湾渣甸街菜式：古早味台湾菜餐牌：牛肉面，便当类，粉面类，饭类，蛋饼类，炸物类，拼盘类，凉菜同小食类，价钱平民。饮品都劲多选择，有花巧，珍珠，鲜奶，古早味，爽口，蜂蜜，鲜奶茶同果汁。无加一。招牌牛三宝面 $86牛三宝即牛腱，牛筋，牛肚。厚厚嘅牛腱有两大件，少肥多瘦，食落都稔带牛筋。牛筋有三大件左右，超稔滑，入口即化咁滞，好正。牛肚都有三大件，厚身大块，质感都几好。蔬菜有小棠菜三条同清甜白萝卜一大旧，最后洒上葱花，咸菜放系匙羹度另上。牛肉面有四款口味选，我地拣左红烧汤。汤底味道唔错，微辣唔油。面条唔粗唔幼，都唔会太稔，又唔会一patpat。眷村牛肉面 $70呢款眷村牛肉面拣左葱油干拌，个汁刚刚好𩠌嗮所有面，又唔会太咸或者重口味。牛腱有三块几，食落少少酸酸地。同招牌牛三宝面一样，蔬菜有小棠菜三条同清甜白萝卜一大旧，最后洒上大量葱花，咸菜放系匙羹度另上。香葱牛肉起司蛋饼 $44香葱牛肉起司蛋饼热辣辣上枱，一客六件已经切好。薄薄嘅外皮煎得少少薄脆，入面有层薄薄鸡蛋，加上入面有香葱，牛肉同芝士，食落蛋香十足，牛肉干身口感丝状，外皮少脆而内馅丰富。点另上嘅蒜蓉味香汁提味之后更加