影片
更多
2021-12-01
1628 浏览
「我之前落嘅生蚝，点解唔见咗？仲有呀，我块黑豚肉呢？又系你食咗呀？」有时打边炉落嘅食物，转眼就会唔见咗，绝对唔系灵异事件，只系M佬食咗姐！所以我真系好钟意一人一锅形式嘅打边炉，又唔惊佢落啲我唔钟意食嘅嘢落去，破坏我嘅汤底！好多人觉得一人一锅嘅打边炉价钱都相对贵少少，但位于铜锣湾嘅包罗万有（万友）火锅就打破惯例，价钱抵食兼任饮任食，CP值超高呀！汤底包罗万有（万友）火锅提供接近10款嘅汤底选择，加上餐厅主打1人1锅，可按自己喜好拣选心水汤底！选择分别有特式川味麻辣汤、养生药膳醉鸡汤、正宗越式牛骨汤、温补椰子鸡汤、秘制沙嗲汤、芫荽皮蛋豆腐锅，连1人1锅非常少见嘅老坛酸菜鱼片汤都有，够晒惊喜！而我哋就拣咗暖笠笠胡椒猪肚汤同蕃茄薯仔洋葱猪骨汤，店员建议我哋可以喺打边炉前饮啖汤，汤底唔会太咸，非常清淡，唔似有落味精，抵赞！食物自取区包罗万有（万友）火锅主打抵食价钱，店主为咗唔想将货就价，所以食物自取，以减省人手费用。虽然食物自取，但我哋又几钟意呢个安排，至少唔怕漏单，又可以自取相应份量！餐厅嘅食物选择唔少，除咗豚肉同牛肉之外，连羊肉都有呀！当然唔少得丸类、牛柏叶、水鱿同菜等等嘅选择，餐厅嘅人流唔
汤底
包罗万有（万友）火锅提供接近10款嘅汤底选择，加上餐厅主打1人1锅，可按自己喜好拣选心水汤底！选择分别有特式川味麻辣汤、养生药膳醉鸡汤、正宗越式牛骨汤、温补椰子鸡汤、秘制沙嗲汤、芫荽皮蛋豆腐锅，连1人1锅非常少见嘅老坛酸菜鱼片汤都有，够晒惊喜！而我哋就拣咗暖笠笠胡椒猪肚汤同蕃茄薯仔洋葱猪骨汤，店员建议我哋可以喺打边炉前饮啖汤，汤底唔会太咸，非常清淡，唔似有落味精，抵赞！
食物自取区
包罗万有（万友）火锅主打抵食价钱，店主为咗唔想将货就价，所以食物自取，以减省人手费用。虽然食物自取，但我哋又几钟意呢个安排，至少唔怕漏单，又可以自取相应份量！餐厅嘅食物选择唔少，除咗豚肉同牛肉之外，连羊肉都有呀！当然唔少得丸类、牛柏叶、水鱿同菜等等嘅选择，餐厅嘅人流唔少，所以食物都会keep住refill，非常新鲜！而讲到最新鲜系啲菜呀，超鲜甜又爽脆！另外，餐厅仲提供少量熟食，每晚款式不同，今晚就有干煸四季豆、避风塘鸡翼、薯角等等，等你可以食住等火锅料渌熟之余，仲啱晒送啤酒添！
饮品
呢到嘅饮品系另一个抵赞嘅位！除咗罐装同无糖茶之外，仲有自家制嘅冻柠茶同冻奶茶，全部都系无限任饮架！
甜品
作为打边炉嘅餐厅，餐厅大部份出品都未能考虑厨师嘅功力，所以推出自家制甜品，其中班兰椰汁糕就系餐厅嘅招牌！食完打边炉之后，班兰椰汁糕真系可以消油解腻，加上甜度适中，非常高水准！
张贴
