尚座 (已結業)

铜锣湾真系咩类型美食都会揾得到！有时都会想换下口味食下中菜🤩 午餐每位$200左右，仲可以食到超高质黄金虾球！而且位于新会道环境舒适阔落，倾偈都唔错～✨蜜椒三文鱼鳍✨鸡丝粉皮✨花旗参须炖赤肉✨粟米鱼肚羮✨黄金虾球+转菜饭 ($168+$8)✨姜葱斑腩($168)商务午餐会有头盘汤同埋主菜，仲会跟一个白饭，加$8可以转菜饭，食晒都好饱！首先介绍头盘我哋拣咗蜜椒三文鱼鳍同鸡丝粉皮，三文鱼有蜜椒味食落甜甜地，而且揸过嘅外皮都带点脆口。另一款拣咗鸡丝粉皮麻酱味几香。午餐汤就得两款，两款都叫咗黎试～ 花旗参须炖赤肉，上枱已经闻到好浓郁嘅花旗参味，饮落有少少苦但系好快就回甘，感觉几特别！另外粟米鱼肚羹，鱼肚嘅份量都算多，几唔错～到最主打嘅主菜！率先介绍黄金虾球，真系好少何午餐有黄金虾球叫😍呢个菜式好考师傅手势，呢度嘅黄金虾球除咗卖相超靓只虾超大之外，仲做得好弹牙，而且蛋黄味超级香浓🤩 姜葱班腩就炒得劲有镬气🤩 热辣辣超惹味，鱼肉多肉又鲜甜嫩滑，而且个酱汁都做得好有水准！