快樂．順景

营业中

休息中

星期六想喺铜锣湾想食个quick lunch，俾我发现呢个性价比高嘅茶记。午餐时段嚟到都差唔多坐满，好彩流动率高，好快就有位。橱窗啲面包同甜品都好吸引，点都要嗌嚟试下。食物价钱相宜，一个常餐都只系$58起。瑞士汁鸡脾汤乌冬（63）- 本身个餐系捞公仔面，但我想食汤乌冬，餐厅都整到俾我。甜甜地嘅瑞士汁做汤底好惹味。鸡脾比想像中大份，啖啖肉而且好嫩滑，亦都索晒瑞士汁。个餐仲配火腿、煎蛋、迷利菠萝包同餐饮，食完都好饱肚。杂扒餐配薯条（$92）- 超丰富呀！有牛扒、鸡扒、猪扒、煎蛋、火腿、肠仔、粟米，仲可以拣薯条或饭，份量好大！配埋杯柠茶就大满足！菠萝油（$15）- 食完个餐其实都几饱，但都想叫嚟试下。咬落好松软，唔错。蛋挞（$9）- 蛋浆香滑厚身，必试。