上村牧場 (已結業)

位于铜锣湾时代广场嘅日本过江龙烧肉店上野牧场，佢哋喺东京、大阪和台北都有分店。呢间系食萨摩牛嘅烧肉专门店，佢哋拥有自家嘅牧场饲养萨摩牛，由饲料、饲养、加工程序等都一手包办，所以佢哋嘅牛肉质素得以保证。餐厅有三款不同价钱嘅套餐可以选择，而我哋呢次就拣咗最高级嘅萨摩牛飨宴套餐。佢哋嘅套餐包咗无酒精饮品任饮，有各式汽水、果汁、茶饮、coffee等。而食物方面佢哋提供咗超过170款，包括寿司、小食、丼饭、拉面、甜品，而肉类包括咗美国同澳洲嘅和牛、伊比利豚肉、羊、鸡、海鲜等。当然仲包埋高质嘅鹿儿岛和牛同埋萨摩牛都可以任食。而喺咁多款咁高质嘅和牛，我呢次挑选咗几款值得推荐同觉得系必食之选。好似有萨摩牛嘅牛五花、里肌肉，佢哋油花嘅分布好均匀，肉味同油香平均，食到入口即化嘅口感，亦有浓浓嘅牛肉肉味。其次就可以一试厚切牛舌（盐酱）。牛舌用咗厚切处理，食落口感特别好，加埋佢哋嘅盐酱更能突出牛舌嘅独有嘅肉味。除咗烧肉佢哋嘅寿司、小食都好出色。寿司款式都好多，好似有回本之选嘅海胆三文鱼籽，除咗口感丰富之余，仲好鲜甜。仲有经过炙烧嘅牛肉刺身寿司，带有阵阵嘅炙烧香味。小食方面就有玉子烧，加入咗明太子令玉子烧多添一