Fivelements Habitat - Sakti Elixir (已結業)

一直以为Fivelements Habitat净系玩瑜伽/水疗，估唔到呢度仲提供埋纯素有机膳食料理！🤑早前，同朋友做嘢经过时代广场，顺道就上去，试吓佢哋期间限定嘅纯素「5式甜品拼盘」! 呢个系列主打纯素，楺合咗唔少东南亚元素，好似材料就用咗香茅、椰子、玉米及大量坚果等热带地区产食材；以东南亚常用嘅烹调手法，将食材脱水制作成塔、酥饼等甜品，食上口唔油腻，食物中原有嘅味道会更为突出，整体感觉都得意。橙花焦糖布丁配布列塔尼酥饼🍪呢款甜品系5只入面，我嘅至爱！布丁较实净，加咗清新嘅橙花，浓郁嘅焦糖，整体味道几rich；底层布列塔尼酥饼则好松脆，唔算甜，入口即化。上下两层， 一腍一脆，口感丰富。核桃黑豆朱古力布朗尼🍮师傅处理呢个布朗尼手法几好，外脆内软，入面有少少半溶朱古力，质感无得弹！唯独入面嘅核桃同黑豆，似乎落咗好多盐去腌，咸味太重。😅草莓白朱古力意式奶冻🍰呢个奶冻质地比一般市出面嘅厚实，唔算甜，味道有啲似杏仁豆腐。至于上面，系切片嘅士多啤梨，味道酸甜，正路味道。天竺葵柑橘玉米蛋糕🎂天竺葵即是舖系蛋糕上嘅种子，香香脆脆蛋糕，蛋糕中嘅柑橘及玉米味意外地夹，都系主打清白，唯质地再松软啲就更佳。柑