渝痴漁醉

营业中

休息中

谂住平平地拣啲放题食，就嚟咗呢间烤鱼放题，我地坐低睇餐牌嘅时候，发现原来除咗单点烤鱼鸡煲之外，仲有放题，我地拣咗＄128，好似抵食啲，拣皇牌烤鱼麻辣小辣。烤鱼原条奉上，麻辣小辣惹味又唔会太辣。烤鱼口感滑，麻辣味随住开火慢慢变重，令烤鱼同之后任食放题嘅配料更入味。配料方面当然有蔬菜类及菇类，鸡髀菇金菇莲藕豆卜加入麻辣汤底之后都非常索汤，鸡髀菇值得无限Encore！似足平时食开嘅麻辣烫，忍唔住都不断放豆卜等入味嘅𩠌入去添，仲有海带薯仔片呢啲都好啱做烤鱼汁嘅配料，超惹味﹗汽水方面都有正常口味、可乐、雪一同zero，仲有有汽柠檬茶都系比较特别少有嘅，我自己就几中意饮。