花都餐廳

夜晚系铜锣湾想食扒，上网揾到呢间新开餐厅。除左晚餐餐牌外，呢间都有d炒粉炒饭食，都几平、五十几蚊就有，见到隔离枱食都几大碟。我地就叫左晚餐B同晚餐E汤都系正常发挥、个蒜蓉包好脆我几钟意。西冷铁板上，渣渣声香喷喷，好有风味🤤块扒都几大块，建议大家可以拣五成熟，因为块铁板都几热、其实煮煮下都变七成。扒有肉汁、牛味都浓。葡汁焗鸡扒饭，有少少芝士拉丝，鸡够滑，整体味道不错！最后仲有个小甜品，虽然系啫喱，但系俾埋花奶，好有仪式感🤣🤣餐厅座位阔落，坐得几舒服。员工有礼，感觉上几有家庭式餐厅嘅感觉👍👍