新記美食

营业中

休息中

1330 嘅铜锣湾街头小店居然冇咩人，见肚饿求其揾间车仔面食下就拣左佢。一入去就有张岩岩执好嘅台，唔洗搭台系疫情下都几紧要。地下都几油下，行果阵真系要小心。店员都好鬼快手，一收点餐纸过左几分钟就送野食黎。见等阵约左去party有下午茶食，求其叫左2个双𩠌米粉: 1.腩汁牛腩猪腩米粉绝对食得出系hea整嘅面，牛腩系最cheap果只，冇飞水有雪味，仲要系炆嘅时间明显地唔够耐，唔稔唔入味。猪腩肉一旧瘦一旧肥，个组合一睇就知唔系咩好野。腩汁方面都系现成，而米粉个份量都好少。2. 辣汁鱼旦猪红米粉鱼旦冇特别加工，好普通嘅咖哩汁。反而猪红居然有怪味。个汤同上一样咁hea，米粉一样地少。38蚊车仔面就一D都唔系高价，但以呢个份量同味道黎讲就真系完全唔抵，唔知自己食左D咩。